Jam's profilePrincessLionessPhotosBlogListsMore  |  Tools Help |
PrincessLioness獅子其實是寂寞的大貓
Thank You謝謝你，在我連續上了六天班，星期六晚上還要加班搞什麽破員工生日晚會，累得10點回到家倒頭就睡的時候，還被你罵個狗血淋頭，叫我去死。
原因是你拼命敲門敲得一身大汗我都沒聽見，你進不了門。
謝謝你，在我委屈地哭了一個多小時累得睡過去的時候，在凌晨2點打電話給我，把我吵醒跟我說分手。
原因是你不打算結婚，自問無力給我想要的東西，你編得真好，時間也挑得好。
謝謝你們，在我孤獨寂寞茫然失意的生活裡，參雜進一大把毒鼠強，讓我五臟六腑全部爛掉，好爽！
生活好好玩哦，不要停，继续继续。
那一煲湯又落雨喇。半夜開始，未曾間斷。小到中雨再到瓢潑大雨，又慢慢轉細。
我一夜無眠，系度上網，媽媽系我身後面嘅床度瞓到ge ge聲，我聽住雨聲同媽媽鼻鼾聲重疊埋一齊，忍唔住偷笑。
“天光喇？依家幾點啊？”媽媽突然醒咗問我。
“4點咋，未天光，你繼續瞓啦。”
半個鐘後，媽媽又醒咗，起身落床行出房。我以為佢去廁所，點知成半個鐘都未見翻房。出去一睇，見佢系廚房又剁雞腳，又剝栗子。
“媽咪，你系度做乜啊？”
“做乜？系度煲湯俾你飲囖，我依家放啲雞腳豬骨同栗子落去煲住先，一陣再落去買隻木瓜翻嚟放埋落去煲就得架喇，你自己要注意睇火啊。”
其實媽媽今朝8點嘅車去HK，一去就半個月。臨走前，都煲定煲湯俾我。
望住佢肥騰騰著住套粉紅色心心睡衣嘅身影，時間好似突然定格咗兩秒，心裡面有咔嚓一聲。
未分開，我已經開始掛住媽媽喇。兩個人一齊，就算嗌交鬥氣，但點都系兩個人，我知道媽媽點都會翻嚟屋企煮飯俾我食，會好好照顧我呢條蛀米大蟲。
其實，我好中意食媽媽你煮嘅餸，好中意同媽媽你一齊食飯一齊睇電視一齊散步一齊行益華。我好唔中意屋企凈系得自己一個。
我幾時先可以大個女，可以唔怕孤獨，可以自理生活，可以養活自己，可以盡兒女孝道照顧翻媽媽呢？
OS：最近想做三件事。
想瞓覺。瞓到天昏地暗。
想揸筆學畫畫。相機太真實喇，生活系需要用畫筆去潤飾嘅。
想旅行。带住出走嘅心情，用身體做載體，放飛思想同靈魂。
61 DayS 先解釋下標題，我辭職至今，已經有61個日子喇，換言之，我賦閒在家無所事事，亦已經有61個日子喇。
系呢61個日子，我過著非正常人嘅生活，聞雞而眠，華燈初上便是我活動之時。更重要嘅系，我將獨處獨行獨立嘅精神最大限度地發揮得淋漓盡致。我基本上斷絕一切與外界人群嘅接觸同聯繫，一個人食飯，一個人出街買嘢，一個人娛樂，一個人消遣。
其間娘親去咗HK半個月，因為要解決溫飽問題所以我不得不外出覓食。自娘親從HK歸來後，我只需安坐家中便能享受足量而好味嘅住家飯菜。而所謂嘅龍舟水，連綿不斷地落咗數日，幾乎一分鐘都冇停過。終上所述，我順理成章變身成為華麗嘅宅女。
唔好誤會，我并沒有樂在其中享受呢種頹廢嘅蛀米大蟲式生活。其實，我無聊得發慌，甚至喪失了，記憶同知覺。我唔記得自己每一日系點過嘅。於是，光怪陸離嘅夢成為咗呢啲空白日子嘅點綴。我呢一世都未發過咁多夢，依家真系發到豬頭咁喇。夢境，真系好奇妙，完全脫離正常世界，不合邏輯地進行。我嘗試系殘存嘅夢境裡面發掘自己內心深處同潛意識要表達嘅某種信息，但不果，遂放棄。
Vodka上四川都有一個幾月喇。對佢，偶爾會輕輕思念下。我哋系埋一齊嘅時間太少，一齊做過嘅嘢太少，但我始終記得我哋第一日見面時發生嘅種種，莫道“人生若只如初見”。偶爾又會輕輕抱怨下，原嚟兩個人并不一定比一個人開心，做人仲系要必須足夠強大，自己照顧好自己，呢個先至系王道。Anyway，兩性關係，順其自然囖~
“堅持，便能靠近成功”，“好好珍惜，更加努力”，多謝肥班同肥班媽呢兩句說話，某程度上指引咗我思考同做人嘅態度。 呢段日子，就當我系系頹廢中學習和成長吧。
加油，Jam！ 長期飯票 「女人在人生的每一個階段，對幸福有不同的詮釋。一天，她愛過了，經歷夠了，才忽然發現，肚子的幸福，是人生一大幸福。愛下廚的男人，自有另一種魅力。
當他以萬般柔情和君臨天下的姿態，為心愛的女人下廚房，女人只要坐著等吃便好了。激情何其短暫，在日復一日的生活中，在悠長的歲月中，將愛情化做味道與食
物的奇香，把幸福投射在情人細心的烹調上，擁抱一個愛煮飯的男人，才是得到了一張真正的長期飯票。」
——By 張 小嫻
輕輕體會到，張小姐講以上呢一段話嘅心情。
同佢拖住手，一齊去街市買餸，賣汕頭鹹菜嘅老闆娘盛贊我幸福，有男朋友煮飯俾我食。散步翻屋企，佢教我切椒絲切蔥段，剝蒜頭，洗蟹剮蟹，清理魚。幫佢
準備食材，心情系愉悅嘅，充滿期待佢好似變魔術咁做出一桌美味嘅菜肴。睇住佢赤裸上身，企系油煙彌漫嘅鍋頭前，手起鍋鏟落，又煎又炒咁，那個認真與性感喲！
鯽魚鹹菜湯，姜蔥炒花蟹，蒜蓉炒甜菜心，豉汁蒸排骨。美味的幸福，先觸動味蕾，然後滿溢於心裡。
真系希望，日子可以就咁簡單平淡地過，我坐系餐臺前，呢個男人為我安排一切。
相信 很久沒有試過這樣委屈，哭得像個孩子。是為了對自己的失望，對一些規則的無能為力，對某些難測人心的懼怕和憤懣。
心裡覺得可恥，失去了方向感，自己能聽到內心沉悶的吶喊。
但在靠進媽媽懷抱的一刻，擁抱的感覺很扎實。我無需要再掩飾自己的情感，我只是她小小的女兒。我知道抱著我的這個女人，過馬路的時候會牽著我的手，
在飯桌邊坐下的時候，她會為我安排一切。我還可以對著她哭。這樣就足夠了。
「人做的任何事情都有回報。再艱難的時段都可經歷過盡。它只是在沉默地警告你，希望你自省，以此才可面對後續。反省。等你純凈，再給你下文。時間是
這樣的態度，人必須相信它。」
「 在任何時候都不要怪責別人。乾嚎，醉酒，狼狽的時刻，要允許它有。一切都會好起來。巨大的情緒崩潰期，應該對它有心裡免疫，知道那是一場疾病，遲
早會過去。是體內的荷爾蒙出現問題，是分泌的元素有了缺陷。過段時間呢，身體會調整的。」
每天都是愚人節再一次發現，原嚟呢個世界充斥滿唔入流嘅人。
再一次，我俾人忽悠了。
中間種種惡劣嘅說話動作過程忽略吧。
反正結果系，我成了待業青年。
But so what？我至少恢復了自由身，至少可以過一段隨意嘅日子，遠離愚人與被愚。
Cheers for the April Fool's Day~~~~~~
quit the damn fucking job我 終 於 都 辭 職 喇，噢 耶~
去他媽的老PP，老F，極品SJ，食屎啦！
我以為我會好開心好爽，但系我冇，更多嘅系擔心同惆悵，直接導致近日便秘嚴重咗。
辭職之後，會有三四日咁大把嘅時間俾自己休息下，然後要翻單位移交下之前手頭負責嘅工作，跟住就要裙甩褲跌氣都冇得抖啖去新公司報到喇。來去匆匆，前路茫茫，以後食粥食飯都唔知，我真系好劣嘩~
借啊珍妮花神來之口，
小太陽小宇宙，請賜我力量吧！
Conversations Vodka：“我今朝體檢見到個護士好正，我忍唔住調戲咗佢。”
Jam：“哦？你點調戲佢呢？”
Vodka：“我同佢講，‘阿姑娘啊，我心率正常嗎？’姑娘答曰，‘冇問題啊，幾好啊。’我繼續問佢，‘咁我可唔可以問多你一個問題啊？
有冇人同你講過你對眼好鬼靚啊？’姑娘聽完系咁笑，輕輕點咗下頭。跟住我就講，‘其實我好驚我望到你對眼咁靚，個心會跳到心律失常啊！
個護士姑娘即刻笑到花枝亂顫！哈哈哈！”
Jam：“夠喇！stop！”
Vodka：“做乜啫？客醋啊？”
Jam：“你系咁系我面前贊另一個女人，叫我情何以堪情何以堪情何以堪嘩！”
Vodka：“咁佢事實系好得啊嘛！我個人好老實，得就得，唔得就唔得。”
Jam：“@#￥%&……”
 Vodka：“咁我肯定佢靚都唔代表我否定你靚家嘛！”
Jam：
 Vodka：“我要同你講件事。”
Jam：“做乜突然咁嚴肅啊，咩事？唔好嚇我啵。”
Vodka：“今晚去Honey玩，有條女好buy我。”
Jam：“咁又點呢？”
Vodka：“冇，同你講聲啫，我好老實，我唔會隱瞞你任何事。”
Jam：“哦，咁應該值得開心啊，有人buy你，證明我taste都唔差。如果冇人buy你先死啊。”
Vodka：“屌，乜你咁屌西嘅咩？”
Jam：“條女得唔得？”
Vodka：“幾得啊！對波好大！”
Jam：
仰天長嘯 命途多舛本以為過咗本命年，就可以遠離厄運，好運降至。誰知道，天意難測，造物弄人！
老娘手機又被盜了！媽的，數都數唔清系第幾部喇！啲人都唔知系咪認住我個mark嚟落手嘅！
老娘憤怒了！繼續詛咒偷我手機嘅人爛面爛手爛腳爛JJ！
睇嚟要繼續著大紅bra嚟劈邪！反正遇神殺神，遇佛殺佛，唔好阻我發達！
芒果白雪黑糯米mix刺殺希特勒禮拜六同表鍋落省城，表鍋系咁易請我系滿記食咗個甜品，芒果白雪黑糯米，話慶祝我過節，意思意思。
然後我當然鐵奔入大學城，同黃生仲有佢死黨超哥一pair人食飯。
久聞超哥大名，如今得見真身，果然系來自原始人部落嘅漢子（黃生和鄭生還真會揶揄自己的弟兄）。
至于超哥女朋友，always活系比常人快15分鐘嘅世界裡面，我唯有以笑掩飾 一_一＃
飯畢，輕輕做咗個運動，then堅忍舟車勞頓之疲勞，跟隨黃生衝入烟酒宵夜局中再續下半場……
～(￣▽￣)～*
翌日醒來，做咗D愛做嘅事，就出發for刺殺希特勒喇。
382到北亭廣場，要4：40先可刺殺殺希特勒，于是我就秤黃生去綠葉居買麵包食，懷緬一下久違嘅美味。
忍唔住自嘲，讀大學嘅時候唔拍拖，畢業喇先黎拍拖，仲要拍翻入大學城，尷尬鬼
終于開始刺殺希特勒喇！俺那個興奮與雀躍喲，九萬年未去過戲院睇戲嘩，系戲院睇戲嘅感覺就系fit！
都算黃生信守承諾啦，三八陪我睇戲，我第一次唔抗拒將自己歸入婦女嘅行列，仲輕輕感到有D得戚添
 BTW，我將兩張電影票嘅票根keep低咗，第一次嘛，好醜都必須留個紀念嘩～
|
|||||||||
|
|
